Toril og Bill

Toril og bill

Eg har drive aktivt med hund sidan 2000. Border Collie hannhund, Guy, var det fyrste "håpet" mitt, sokalla "prøveklut". Me entra kvalpekurs med Heidi Milje som instruktør, då tilhaldsstad ovanfor Bjørketeigen.

Etter Englandstur 2001, der me importerte 4 kvalpar, og behaldt ein, overtok eg Killiebrae Bjønna. Med henne oppnådd eg mykje lærdom om hundetrening, og ein del startar i klasse 1, uoff. og off. Den tida var Hugo Langum, og Jan R. Fenne som var dommarar. Bjønna var ei hard nøtt, vanskeleg for ein nybyrjar. Ho var altfor glad i mat, og det, kombinert med hestehall, var ingen god "match".

Etter endt dyst i Kvam Hundeklubb!

Etter sumarferien 2003, henta eg og mammo heim ein welsh corgi cardigan, frå kennel Alltrade. Og "Alltrade Hot Chili" (Balto) kom heim til oss. Me gjekk ein del kurs, og han vart ganske flink, iallefall på "fri ved fot". Ein liten sjarmør. Dessverre var han sjuk, og avliva 13 mnd gamal.

Etter nokre månadar med "hundefri", tok eg Kvani (rumlehovud) med på agilitytrening. Hjelpes! Ho var spinnvill. Artig å sjå på, men litt frustrerande å trena, ho tok bana sjøl før eg hadde sagt "vere med". =)

Bill er no "gullegget" mitt, han er litt bortskjemt, med kos og slikt. Me har opprykk, og ein start i klasse 2, og ein del startar i agility og hopp (med meir eller mindre hell!). Trening på miljøet er det viktigaste målet vårt innan agilitysporten for tida. Moro er det iallefall! Særs moro! :)